Ghazal

This page includes poetry from Ghazal. We add latest Ghazal poetry on this site on daily basis. You can also add your poetry related to Ghazal.

Wafaa Ke Baab Mein ILzaam E Aashiqui – Mirza Ghalib Poetry

MOhabbat Poetry

Wafaa Ke Baab Mein ILzaam E Aashiqui Na Liyaa

Ke Teri Baat Ki Aur Teraa Naam Bhi Na Liyaa

Khushi Wo Log K Mehroom E Iltefaat Rahay

Tere Karam Ko Ba Andaaz E Saadgi Na Liyaa

Tumhaaray Baad Kayi Haath Dil Ki Simt Barhay

Hazaar Shukar GirebaaN Ko Ham Ne Si Na Liyaa

Tamaam Masti O Tishnaa-Labii Ke Hangaamay

Kisi Ne Sang Uthaaya, Kisi Ne Meenaa Liyaa

‘Faraz’ Zulm Hai Itni Khud Aitmaadi Bhi

Ke Raat Bhi Thi Andheri, Charaagh Bhi Na Liyaa

Kabhi Daman’ Kabhi Palkain Bhigona Kis Ko Kehte Hain?

Kabhi Daman’ Kabhi Palkain Bhigona Kis Ko Kehte Hain?
Kisi Mazloom Se Poocho Ke Rona Kis Ko Kehte Hain?
Kabhi Meri Jaga Khud  Ko Rakho Toh Jan Jao Gay
Ke Dunia Bhar Ke Dukh Dil Main Samona Kis Ko Kehte Hain
Meri Ankhain’ Mere Chere Ko Ik Din Gor Se Dekho
Magar Mat Poochna Wiraan Hona Kis Ko Kehte Hain 
Tumhare Dil Kabhi Piglay Agar Gham Ki Hararat Se
Tumhain Maloon Ho Jaye Ga Rona Kis Ko Kehte Hain 

Khushbu Hai Woh Toh Choo Ke Badan Ko Guzar Na Jaye

Khushbu Hai Woh Toh Choo Ke Badan Ko Guzar Na Jaye
Jab Tak Mere Wajood Ke Andar Utar Na Jaye
Khud Phool Ne Bhi Hont Kiye Apni Neem Wa
Chori Tamaam Rang Ki Titlee Ke Sar Na Jaye
Aisa Na Ho Ke lams Badan Ki Saza Bane
Ji Phool Ka Hawa Ki Muhabbat Se Bhar Na Jaye
Is Kauf Se Woh Saath Nibhane Ke Haq Main Hai
Kho Kar Mujhe Woh Larki Kahin Dukh Se Mar Na Jaye
Shiddat Ki Nafraton Main Sada Jis Ne Sans Li
Shiddat Ka Pyar Pa Ke Khala Main Bhihar Na Jaye
Us Waqt Tak Kinaron Se Nadi Charhi Rahe
Jab Tak Samandar Ke Badan Main Utar Na Jaye
Palkon Ko Is Ki Apne Dopatay Se Ponch Dun
Kal Ke Safar Main Aaj Ki Gard Safar Na Jaye

Abhi Suraj Nahin Duba Zara Si Sham Hone Do

Abhi Suraj Nahin Duba Zara Si Sham Hone Do
Main Khud Hi Loot Jaun Ga Mujhe Na Kaam Hone Do
Mujhe Badnaam Karne Ke Bahane Dhoondte Ho Kyun
Main Khud Ho Jaun Ga Bad Naam Phele Naam Hone Do
Abhi Mujh Ko Nahin Karna Hai Etraf-e-Shikasht 
Main Sab Tasleem Kar Loon Ga Yeh Charcha Aam Hone Do 
Meri Hasti Nahin Anmol Phr Bhi Bik Nahin Sakta 
Wafain Baich Lena Par Zara Neelaam Hone Do 
Naye Aagaz Main Hai Honsala Kyun Tor Baithe Ho
Tum Sab Kuch Jeet Jao Gay Zara Anjaam Hone Do